•  Sooninkon ti:

•  Saanun-funen ga ti tee gumen da koon'an wa a dangi haqen ya di .

•  Sirihe be gada duna su yinme siyi sere nta tini ken ti i yinmen siini.

•  Horonton booton ga xaso wo xaso an wa na a konko an wa tirigiso xalle kitt'a yi.

•  Tunguro ga xenu wo xenu a do ñiiñen ra nta ñerono.

•  Huren tiigande na biranten yan girindini katta dudoxoteyen ?a .

•  Ciga hunsi motinta baane wa laqen hakkan cigan su bonondini.

•  Ti tongen xosene soxaanan ya maxa .

•  I ga na ti xa r'o na kanmun tin?a lenburen yan tini kulaaden(tin?aaden) t'I maxa.

•  Kanjaane ga setu ñogome ?a a da saxunten yaa ñi.

•  Torukutte da wulle sobindi.

•  Hari neene do kanbe wa gaja?ana xa ken mi fata lin?ono.

•  Haringije ga xaso wo xaso a nta korini i kanbon wure.

•  Selin?en ga nta sere be maxa dukkun di nuusinun nan maxa an xanne mugu.

•  Sugu jaxatan kanban d'a sugon wa nayi doome a na ñaana jaxatan kanba ñayi.

•  An wa nayi a mulla na gumbo ña sadaaxan wa, t'an n'a kini an taaxalenman wa .

•  Ti yigu xasen yana ho binnen biyinten tu.

•  Yigu xase be ga da gollen wara koona ken walla nagaaniye yi.

•  Jiibanu hilli ya na kaati yi ho sire a wa ho burun walla ken di, fillandi ni ho botonte a ga na ho sire be kita a wa ken wall'a di.

•  Yelin baane nta lemunu filli yaaxaran xurana.

•  Kanmen wuren yaaxanjin nta tuyini.

•  Kanmen wure jabaren nta tuyini.

•  Hiinu ñame noqun su ni kinbakka.

•  Bera haayi donbi haayi.

•  Jarinte be ga ti xa d'In yinmen kara ñama nta ken ?a .

•  Kaati sefen yani a fuugunu ya a nta renme.

•  A ña jin-sumallen wa, a ga nta xannen ?a a na gurdan ya yi.

•  A ña tuuren sallinden ?a.

•  A ña jarinten toru rageyen ?a.

•  Xamanxulin gulla { naha nt'a yi} .

•  Papakayin hule {nafa nt'a yi mene}.

•  An ra nta du toxxo tungoron kanma na ñiiñen maxansefe.

•  Siloqe nta yelin?en su ragana.

•  An wa na xoroti an warijaxen ?a an fayini ya.

•  Xensedaanan su nta kutunde moxon tu.

•  Kaati ni tabulli dunben ya yi [a nta jikke tappa].

•  Xason kandun haayini ta baane ya.

•  Haare na ta morana a nta butte morana.

•  Bone xene naa yi sugo ga d'a takki.

•  An kara halle hiinun ga ñaana an yaaxon ?a an bireyen ya xahun ?a.

•  In wa duna roon'an da sugu bennen ?a. [na duna liixindi an wa].

•  Teraanan wa na kiyen haayi n'i dagaran jaaten raga wuro nta roon'a yi.

•  Yilli soosaanon filli ga n'I hequn muxundi meyi ken yillen nta xurana.

•  Suxuñan yan mungunu xa a ga da ke be renmen yiga ken nta mungunu.

•  Kiren do kan?e nan xawa , xa a yogo heti.

•  An wa na kanpi na ñi fi gume ma kanpi an wa kanpiyu filli ñaana.

•  Yitte be ga hunti han?en naxaanen di, ken hanmi nta jii ya.

•  Saado an ga jigini an xenuran ?a jigi an hinbiran ?a.

•  Daga nan riye na funen yaa da xa giden n'i batten ya di.

•  Sugo do kacce ga ma demi a siqin'a yi ya.

•  Taaxu yere kanme ma ri kiyen wa hiiten wall'an ?a.

•  Ti: yinme ga sirahu ya yinme yana a da kiyen ?a.

•  Saanun hune ra w'i nuxunnen suuñini kan moxo xo hadama-renme.

•  Kiilun ni kome ya .

•  Hooren kall'I xan hana ñan kanma.

•  An gada digaamen bogu an raqen di taa an ña a da kome yi.

•  I ti: an tan wa na an rondi ke be di an wa bakka an kitten wa na bakka xa an neenen wa na an rondi ke be di ma Koran huuron naxa.

•  I ti; xada jaragindaana(jalagindaana) jaragi x'I ma ti xa d'a xurusi.

•  An wa na an yaaxen ñan xati xayen wa I na huto ñan xootini a di.

•  An yinmen siini ti tonge ña yi.

•  I ga ti ñexen wa yigene I ma ti xaye.

•  Wande ra nta an hallen koosini xo an yinme segeñe.

•  Xorotinten silahandan nan hutunden ña yi.

•  Yogo almaami yogo jenben(dinme) timaana.

•  Xotte jikki wulle ya raqe xa ken ga ñi sugo raqe ken dangi dulle.

•  Sere be gan hun?u an wa tan saxa an wa na ti an dangini ken ?a an finbini ya.

•  Garanke ga na an wari moxon be a n'an baaxan goolini kundun ya yi.

•  Haren gan n'i falla toonu mukku a na ho bakka paxatiyen ?a.

•  Laxabure(turun?e) ga moxon be a da sinm'i din-timaanon xana kundun ya .

•  In yindi nta xoto xoyi in yanxa.[in tin?andi ntaxa xoto xoyi in yaxandi].

•  Madikaama ti: hooho ma i kaba balla tiban(jonge) wutten ?a xo i g'a n walla kanmun di.

•  {Ti: an wa na bara tiban wuttu an warin kanmun di}.

•  Gundun yinben wa na ro tungurun dunbun na me faayi.

•  Samaxen (kaccinte) da kaati xiñi a ga da xiñi sere be ten di ken koni ni ya.

•  An ma wa sorene an maama wa taxandindini an ken nta kumene.

•  Nellan-dinmun nta sanxini hari muuraanan jon di.

•  A ga wuyi an noxon di saxu halle ya ni.

•  An ga na wuraanan danpu an d'a jowondi ya.

•  Yigu siren toxon ya na a ten tangana .

•  Jinteyu filli ra nta me morondini.